Հավելվածի մասին

TAPON.AM հավելվածը նախատեսված է թղթի թափոնների հանձնման և մթերման գործընթացն առավել արդյունավետ և դյուրին դարձնելու համար: Հավելվածից օգտվողներն առանց ավելորդ ջանք գործադրելու մասնակցում են շրջակա միջավայրի պահպանության և մաքրության կարևորագույն խնդրի լուծմանը:

Հավելվածի մասնակիցներն են բաժանորդները (թղթի թափոնն աղբից առանձին տեսակավորող և կուտակող քաղաքացիներ և կազմակերպություններ) և գործակալները (մարդիկ, ովքեր բաժանորդներից հավաքում են թղթի թափոնը և հանձնում վերամշակման): Բաժանորդները, նշելով կուտակած թղթի թափոնի քանակը և հասցեն, հավելվածում ստեղծում են հայտ: Գործակալները հավելվածի միջոցով անմիջապես (online ռեժիմով) տեսնում են բոլոր հայտերը, որոնք ստեղծել են բաժանորդները: Կազմելով երթուղի՝ գործակալները հաջորդաբար մոտենում և հավաքում են թղթի թափոնները։

Երթուղի կազմելիս գործակալները նախապատվություն են տալիս այն հասցեներին, որտեղ բաժանորդների քանակը մեծ է և պարբերաբար շատ թղթի թափոն է կուտակվում: Եթե ցանկանում եք, որ տանը կամ աշխատավայրում կուտակած թղթի թափոնը երկար չսպասի գործակալին, չմոռանաք հարևաններին և ընկերներին պատմել TAPON.AM-ի մասին: Ձեր հանձնած ընդհանուր թղթի թափոնի քանակը շատ կարևոր է՝ հավելվածը հաշվարկում և Ձեզ տեղեկացնում է, թե ինչ ծավալի օգուտ եք տվել շրջակա միջավայրին: