Այդպես են վարվում քաղաքակիրթ հասարակության անդամները, ինչպես նաև մարդիկ, ովքեր մտածում են շրջակա միջավայրի մաքրության և էկոլոգիայի մասին։

TAPON.AM հավելվածում գործակալ է հանդիսանում այն օգտատերը, ով բաժանորդներից հավաքում է թղթի թափոնը, բաժանորդներին թղթի թափոնի դիմաց տրամադրում TapРoint միավորներ, իսկ հավաքագրած թղթի թափոնը հանձնում մթերող ընկերությանը և դրա դիմաց ստանում գումար:

TAPON.AM հավելվածում բաժանորդ է հանդիսանում այն օգտատերը, ով թղթի թափոնն աղբից առանձին կուտակում և հանձնում է գործակալին՝ դրա դիմաց ստանալով TapPoint միավորներ

TAPON.AM հավելվածում մեկ օգտատերը միաժամանակ և´ գործակալ, և´ բաժանորդ չի կարող հանդիսանալ:

TapPoint անվանվում են միավորները, որոնք գործակալի կողմից հատկացվում են բաժանորդին հանձնած թղթի թափոնի յուրաքանչյուր կգ-ի դիմաց: Թափոն ձեռքբերելու համար գործակալն իր միավորները ստանում կամ համալրում է հավելվածի միջոցով, սահմանված կարգով։

Հավելվածում գրանցված բոլոր բաժանորդների կողմից կուտակած TapPoint միավորների շնորհիվ իրականացվում են տարբեր հանրօգուտ ծրագրեր:

TAPON.AM հավելվածը տրամադրում է բաժանորդներին հանրօգուտ ծրագրերի ցանկ: Բաժանորդները քվեարկության շնորհիվ ընտրում են միայն մեկ հանրօգուտ ծրագիր, որին պետք է հատկացվի կուտակված TapPoint միավորների չափով աջակցություն։ Նշված ծրագրի իրականացումից հետո բոլոր բաժանորդների կուտակած միավորները զրոյացվում են։

Քվեարկած միավորները ետ պահանջել կամ կատարված որոշումը փոփոխել հնարավոր չէ:

TAPON.AM հավելվածի կամ որևէ այլ հավելվածի միջոցով գործակալին կամ բաժանորդին տրված TapPoint միավորները կանխիկացնել՝ դրամի վերածել հնարավոր չէ:

TapPoint միավորները տրամադրվում են միայն TAPON.AM հավելվածի կողմից. Որևէ այլ կերպ TapPoint միավոր ստանալ հնարավոր չէ:

TapPoint միավորները ո՛չ դրամական միջոց է, ո՛չ վճարային համակարգ։ TapPoint միավորներով հնարավոր չէ իրականացնել գնումներ։

Գործակալը իր կողմից հավաքագրած թղթի թափոնը մթերող ընկերություն է տեղափոխում կամ իր միջոցներով, կամ համապատասխան քանակ հավաքելուց հետո դիմում է մթերող ընկերությանը բեռնափոխադրումը կազմակերպելու նպատակով:

TAPON.AM հավելվածը գործակալին տրանսպորտային միջոց չի տրամադրում, քանի որ այն հարթակ է թղթի թափոն կուտակողների, դրանց հավաքն իրականացնողների և մթերող/վերամշակողների համար:

Կուտակել թղթի թափոնը ինքնուրույն, ինչպես նաև TAPON.AM հավելվածի մասին պատմել ձեզ շրջապատող մարդկանց (հարևաններին, շենքի բնակիչներին, գործընկերներին): Խորհուրդ տալ նրանց նույնպես կուտակել թղթի թափոն և օգտվել TAPON.AM հավելվածից, քանի որ միևնույն տեղանքից որքան շատ թղթի թափոնի հանձնման հայտեր բացվեն, այդքան ավելի մեծ է հավանականությունը, որ գործակալը այդ տեղանք կայցելի ավելի հաճախ: